ჰოი, ბირა, მაჭუალი!
Jump to navigation
Jump to search
თოლონჭესჷ ინგირი რე
ბჟაშჷ ჩხორიათ გინოსქილი,
წყარპის ცხენეფჷ მირულენა
ძუა-ფოფორ გინოსქვილი.
ფაფალასუ ჭყონეფი რე
პელაგონო მინორთელი,
მანგარინჯე ჯიჭონეფი
ბერეყო რე გინორთელი.
მორთი, სერი გუტახათუ
ჸათე ჭვია ქუჩუჩეფსუ,
ირფელჷ საქორთუოშო რდას
ღორონთიქი მუთ მუჩესუ.
მორთი, სერი გუტახათუ,
ღალეფს თუთათ ხანტურელსუ,
მაფშალია გაღურჭოლუ
ბინეხეფი ხანდურელსუ.
მორთჷ, ბორიას ვენირზათუ,
ფსუალეფიშჷ ზირუასუ,
უბირათუ კირდეფიში
ბჟათი ელასირუასუ.
მორთი, ქეწიფხუნუათუ,
ჩონგურეფი გოჯოგელი,
ჰოი, ბირა მაჭუალი,
ბაღუ რინა დოჩოქილი!