ჰე, ჩონგური, ჩქიმი რინა...
Jump to navigation
Jump to search
ჰე, ჩონგური, ჩქიმი რინა
მიშე ვარე გენარჯგინა,
ნიტე ქეშერსებუდანი,
ჩქიმი დო სქანი გენაბირა.
ართიან გჷნოჯოგაფუე
კოჩის დუდი დო ბოლოს მარა,
ჩქიმი დო სქანი ჩარცხიება
ვემინდომას მითინქ ვარა.
აკოცენსჷ თე ქიანა,
ღორონთიში დჷნანწყუა,
მუზმა ჭყანა მომჩამუდანი,
თიზმა მომჩამუდანი ჭკუა.
დონწყუალას ქიანაში
ვორჯგვენუათ ბირა ჩქინი,
ხეს ქიგნოიფუჩონუანქ,
ნარაგადი ქჷმარჩქილი.
ჰე, ჩონგური, ჩქინი რინა
ვართ ბრელიშე გენარჯგინა!