ჯუმბერი
ზანას ამბექ მოხვადუნი, ვიშო ჯაქვაბორიასი.
ოში ტყვია ქაათესი ჯუმბერ ჯალაღონიასი.
ნადირს ხოლო გურს მეჭუნდუ, თიშ მანწარას აწვალესი,
ცოცხალს დიხა მინარღვესი, ღურა ხოლო ვაცალესი.
ონდღე გურსი საფულეშა წვადი ქეგუჭუაფუნა,
უბირუნა, უსხაპუნა, ღვინი ქეგუშუაფუნა.
შაჰ-აბაზი ვაკეთენდუ, მუთ ქორთუეფქ აკეთესი.
ხათეხუშე უჩქუდესი, მუჭო პასუხს ვაგენდესი.
მარგალეფიში ზისხირსი შუნდესი დო არწყენდესი.
ღორონთ ქორე სოთინიდა, ნიტე მუშენ ვარწყე თესი,
ზვიადიში ყოროფაშენ აწამესი ჩქინ ჯუმბერი.
ზვიადიში ყოროფათი ამდღა ხოლო იჭუ ბრელი.
თენა ვარე მოგონილი თენა ორე მიჩქუფერი,
გასაკვირი შუროთ ვარე, იბგარე დო ვაბლურდასი,
ათე გურსი მონტებულსი თუნდასი დო ვალუნდასი.
ჩქინ ზისხირიში მაწუალსი შევეფეთი მა მუდასი,
თინეფიში გამნაჭყანსი სოთინ ვაგუფალუდასი.
ზვიადიში ჯიმაკათა ვაგმოჭყორდუ მა ნამთინი,
თეშოთ ვორექ გორჩქინელი, თეშოთ ვორექ მა ხანტილი.
თი ხალხიში კოჩანათი ოკო ვიამაყათინი...
ჯუმბერს ჯიმა! ჩხურ გაფუდა, ჩქიმ ლექსის გუტიბაფუდა
კოჩანიერ კოჩი ორდი, მა სი ქოგორლუაფუდა,
ჩქიმ განიშე ხვამილ ქორდა, ღორონს უჩხონუაფუდა!