ჯუმაშხაში სონეტი
Jump to navigation
Jump to search
ჯიმაშ დღა ჸოფე, თიშენ ჯოხო თე დღას ჯუმაშხა,
ართ დღასი ვარა სით იფირქე შხვაშენ, თიშენი,
ეგებ თხულენდას მუკოჯინას, ჸათენაშენი,
მეკითხაფაშე მუთა გიჭირც თე ღორონთიშ დღას.
არძა დღალეფი ღორონთიშ რე, მიჩქუნა აშხა,
კოც მეხვარიდა, გახიოლე გურცი იშენი,
მუშმაჰამო რე გაჭირებას კოჩშა მიშენი,
ოდო მოკონა დიპჸუნუათ ჩქინჸურე თაშ დღა.
მა თინა მოკო, გემუანო სით გელერჩინე,
ვაგოხვარუქი უკულნეშე, სი დოზურდიდა,
გურ ვერჩინუ დო მოკო, სითი გურით ვერჩინე,
მუჟამს თელ ქანა სი გოლიმუ დო ვაშკურდიდა,
ვადარჯგინინე მითინც სკანდა, სკან დუც ვეჩინე,
- მი პოფექია ენა მავა, - თქუანდ, ურდი და...