ჯიჯი თომაში ხულა
გიორგი სახოკიას
„მარგალური ონჯუაში ოგურაფუ“
შარააკართუს გილარენა მაფასქირეფი,
ხეს უკებუნა ობაღანე თხობელუეფი,
ევრო-აზიას მეჭკირუნა ასე სერეფი,
ზისხერით ოშშა ნაშოლა დო გუნასქირეფი.
შურც უნჭყოლუნა, გოთხოზუნა მათხოჯიეფი,
ნამარგალეფი, ბრელი ძვალიშ მატახალეფი,
სი გურცი გაჭუ, ოძირანქი კათაშფერემცი,
უარიკუა ჩიჩიემცი ოგერგეზეთი.
მაჩხომა, პუნა ტყურა შარაშ მაწურაფალი,
ჩქინო ირ დღა რე უმოს ნწარე მაგურაფალი.
ემერ გუბაზი დოჟერჟელე ჭითა წუღემცჷ,
ავრე წათესი ქალუხუნუ ოდო წუხენცჷ,
წყარც მიდუღალუ ირფელი დო შხვემქი ინტესი,
სოდე ბერძემეფ ატყობუნა კინ აფსირტესჷ.
უზისხერეთი ველშართენა, ასე სქირეთი,
შარააკართუს გილარენა მაფასქირეფი...
... ჸეხ, ასე ჩქინო დოკილერე არძა შარეფი,
ბჟაშ სქუა რექი დო კირიბემც შქას აშარექი,
... მაფასქირემქი თე სერეფი ქეგილუესი,
ხეს უკებუნა ობაღანე თხობელუეფი.