ჯინჯიღულა
Jump to navigation
Jump to search
მუ ძალა გიღუ ჯინჯიღულა,
მუს გიმიღა ეფერს ჸას!
ოსერშეშო კოჩ შუმილ რე,
მოგოთანეს ბორდიშანც.
ტაბაკისჷ მუჭო ოსკუქ,
ქვინჯ ვეძირე ლაგვანიში.
დიდ ჸოროფათ მოგორაფა
ეფშა ყანწ დო ორკოლიში.
სქან წვეთ-წვეთო ნაშაყარა,
წვენით ხვამა ირკოჩიში.
ოჭმარესჷ გლახათ შინი,
სქან მორდუ დო ჩილორთიში.
მუშენ რხვადჷ ვამიჩქ გლახა,
ზომა რდასჷ იფრელიში.
ცოცხალ სქანი ოხვამალ რე,
მაშინალ რექ ღურელიში.
უთირუ რექ განძი შხვაშა,
სტუმარი დო მენძელიში.
ქომოლურო თმინებულე
ლანძღუასჷ ჸურუმიში.
სქან ხვამაში სადღეგრძელო,
დიდკოჩანათ მიღუ გურცუ.
თავადური სიტყვა ვაბაღ,
გოილუა ხე დო დუცუ.
ხვამელ ორდა კოჩიშ ხანდათ
ოხვამალო ოშუმალი!
ირო არკვანი გიხვამუდას
ორდალი დო მარდუალი!