ჯიმალეფი -
იშრიალნა ჭანდარეფი,
გილექაქალ ზღოური,
ზღვინდალ ჩენჯას აკოთანას
ქუდაჭყაფუ ტოული.
ქუგასოფუ თხუმუეფს
ბებიში ნაჭა კაბეფი,
ართიანს გურს უმარგენა,
ალურენა ჯალეფი.
გილარზუფუნს ჭითა ჯა,
გაჩქვენუაფ დაჩხირი.
მუშიანეფს ულორსენს,
ნინა უღუ კვანთირი.
ჭყონი მანგარო გერე ირო,
განთხეფი უდირიკუო,
ჩქნი რინა მაყალეფი,
გინუორთინუათ დღახუო.
უკუნეფიში ოწოხოლე,
მიღუდეს ნანაში ნინა,
აიეტიში სამაფოს
საარიკო მიღვდეს რჩქინა.
ვეწიპონათ შური დო გური,
ჩქინი ორქო ჩქი მიღუდან,
ბორიას ქუგუმანგარუათ,
იფრელს წკონდათ ქუგურზათ.
ცხიმური ორცხიმინანს დო
შქურინაფილს შურო ვაგ;
ლერწამქ ტან ქუდუყუნუ,
დო ბორიას ქალასხაპ.
სხაპსხაპით მიდეტყურუ,
დოუთხინუ მუშ ელმოლს.
ჩიტ ნაყვანას იციკონ,
ვაჭყორდუ მუშ კინოხონ.
ირ ზარხულს დო ირ ზოთონს
თაქ რე სოთინ ვემეურს,
ბაცუქ გეყალ ბორიაშე
დო მუ ვათქუ ჩხე-ჩხე გურს.
ჩქი მითინს ვადვარაგვეთ,
ქირსეში უძირაფუო,
ვადობღურათ ჯიმალეფი,
თქვანი გოლუაფირო.