ხვამა (ბულატ ოკუჯავა)
Jump to navigation
Jump to search
| ხვამა by |
| გინმათანგალი ზაალ ჯალაღონია |
სოჲშახ ირთანც ათე დიხა, სოჲოშა ნოთელ გიაქვანთუ,
ღორონთ, არძას ქუჭყოლოფე, მუთ ვაუღ დო აწალანტუ.
მესიაკონც ქიმეჩ დუდი, ზურას რაშ დო მორიდუა,
ბედინერცჷ ქიმეჩ ფარა დო მა ვა გომჭყოლიდუა.
სოჲშახ ირთანც ათე დიხა, უფალ სქანი ორან მორკუ,
ნძალა ნძალას მეუდირთუ დო ნძალშულობათ აკიბორკუ.
სვანჯ ქაჭარე გურუხვესჷ, დღაშ ლიებაქ სო ითუა,
მანარღებელც ნარღ ქაცალი დო მა ვა გომჭყოლიდუა.
სი ირფელცჷ შილებუა, სქანო ვარე ხურგა, სანძღო,
სქანი რჩქინა უგუნჭაფუ, ნამთინ შარას ვაკიბანძღუ.
მუჭოთ ღურელ მოლიმესჷ რინა ოგონ სამოთხესჷ,
ეთეშ მიღუ სქანი რწუმა, შურუბუმო მარზე ხვესჷ.
სოჲშახ დიხა ირსიოლუ დო საკვენო მიოჩქ რთაფა,
ო, იოსე, სქან ლენთოლეფც ჩქიმდე ოკო მოძირაფა.
სოჲშა ანაგჲ ვალიებე, ვამთქუალნა ნძორი რდუა,
ღორონთ, თია გოურთ არძას დო მა ვა გომჭყოლიდუა.