ჭუმანითჷ ამდღა იჭუ
Jump to navigation
Jump to search
ჭუმანითჷ ამდღა იჭუ,
ბორზალეფიშჲ ჭუმინი რე,
თუთა სოდგია ალებიჯუ,
თუთა ირო შუმილი რე.
ცაშჲ ხურთქინი ალმარჩქილე,
მურიცხჲ ონჭეს ქვირითანსჷ,
ღურელს ღურუ ვამაჩინე,
ღურუ ღურუთ მინირთანსჷ.
მიდგარენი მიკაკჷნსჷ
სინთელეს ჩქიმჲ ქვინჯესჷ,
ჭყონჲ ელმეღანს სქუა კჷსჷ,
ჭყონქ კჷს ოკო უმინჯასჷ.
მა ჭარაში ჯინას ვორექ,
მურსუ, მურსუ, ვამაგუო?
დჷმაწყორჷ შურიშჲ ნერქჷ,
ალმაბათქჷ ჯა დო ქუა.
გეთმუძინანს მაზაკვალი
ამარდეში ნანწალასჷ,
ჩქიმჲ რულიში მაძაკელა
მოზოჯჷნსჷ ნამჺ წანას?
28.02. 2015 წანა