ჭიჭე ცირა.
Jump to navigation
Jump to search
ჭიჭე ცირა, თოლი გვირა,
ინმოჯინექ, მიბირდღინა,
სი დოჭყოლი ჩქიმი გური,
დოწამალე ჩქიმო რინა.
სი ჩქიმგურიშ ცუნდი რექჷ,
მა სქან გურიშ ჭიჭე კჷლა,
მუკომრთინე ჭყოლირი გური
ვარა დუცუ ქაგოჸვილა.
მუშენი რექ თეშ მასქვამა,
შხვა სქანჯგუა მუშენჲ ვარე?
დაბადებულ ჩქიმო რექჷ,
ვადაიჯერქ სი ივარე,
თენა გილაბჭარჷდუო,
სქანი თიაქ იპიკონი?
ეროსიში ქასთაგანი
ჩქიმი გურცუ რჭიპიკონი.
დიბრულუა, ხათე სქანდა,
მეფურინჷნც ჩქიმი შური,
ირო სი გიფერუანცჷ
სქანწკმა ოკო სამსახური.