ჭიჭე მეშარე

From Wikisource
Jump to navigation Jump to search
please do not remove empty parameters (see the template documentation).

by გიორგი სიჭინავა
წყუ: გიორგი სიჭინავა "ნანაგე" თბ. 2011 წ.ხ. 59

ჭიჭე მეშარე


რინაში ჯვარც ვორექ მუკოჭკადილი
დო გურც მუმოგუ ჭიფე ლისმარი,
სი მირაგადუქ: სქვამას ხანტილი,
ათე ქიანა ორე სისმარი.

ვაგონჯარუდას მაფაში დიარა,
ვართ თავადეფიში ორქო–ვარჩხილი,
ცაშჲ თუდო ირ კოჩი ღურაში თია რე
დო დიხას ონტუ ცოდაში დაჩხირი.

,,მუსუთ ქარწყექჷნ, ირფელ სქან ქორდას?“ –
ათე ჩილათას ჸუნც მარებელი,
მუთუნ ვაიჸორდას, მითინ ვაიჸორდას,
კოჩიში თოლეფიში მაღორებელი.

გურც ოხიოლჷნ, შურც ანგარინე,
თე ოქიანე ნარღით ეფშა რე,
სი ქოულ, მარა სოთა გალინე,
უგუთებ შარაში ჭიჭე მეშარე!