ჭიჭა ხარჩილა
Jump to navigation
Jump to search
ჭიჭა გვარო ხარჩილა რე,
ჭიჭკეფიშა ნარჩქილა რე,
გვერეფჷ ჯიბეთ გილაჸუნსუ,
მენცარიში ნარჩქინა რე.
არკვანეფს დო ჭკუდის თოლუნს,
ჟამილჷ ჩქიჩქის ფურკით ლოლუნს,
თიშჷ სახელით პატონანა,
ბაღანეფსუ ჩქინჷ გოხოლუს.
მითინს ვოუღჷ დარსქინალი,
რე ღურელიშჷ მარწკინალი,
კათა თეშჷ აფჷ ეზიმილი
ცინდა ვარე მაძინალი.
თეშჷ მახალსუ მუ რე უხუ,
ღურელეფიშჷ ფერი უღუ,
ღურელს ეთეშჷ გოთინუნსუ,
ითამჷ სო რდუ დღასუ პუხუ.
შხუ ორდას დო ჭიფე ორდას,
ქუდოუჭყანს ფერიშჷ მორთას,
გოხოკუნს დო თეშჷ გასქვამენს,
მინჯეს ოშქურჷ ვამწოდორთას.
ვართჷ ქისა აფჷ ონკალარი,
ვართჷ _ ოცალარჷ-ომბარალი,
ჭიჭას ირფელჷ დონწყილჷ აფუ,
ხვალე ართჷ უღჷ ონგარალი, _
შხვა საქმეშა ვაგნართინე,
უკახლეთუ ვამკართინე,
ღურელს ირფელს ქუთინუნს დო
თიშა სახელჷ ვაგათინე.