ჭინჭა

by ჯემალ შონია

please do not remove empty parameters (see the template documentation).

ჭინჭა by [[Author:ჯემალ შონია|ჯემალ შონია]]

ლია ნაროუშვილი. „მეგრული პოეზია“ თბ. 2007 წ.გვ.291

ჭვემა მოურს უზოგარო,
მართახის დო შხვერთის მინჭანს,
ვამიჩქ, მუჭო მუვეხვარე
ჩქიმ ღანდაში ჭიჭე ჭინჭას.

ცას ვალდოელი გილესოფუ,
ჩხე თოლეფი გილუპირჭანს,
გორჷნს, გორჷუნს ოჸვილარო
ჩქიმ ღანდაში ჭიჭე ჭინჭას.

მუ ოხვარუ თე ჩქიმ ჸუდეს,
ჩქიმ მაღაზას დო ჩქიმ ინჭას?
ვეგნაღინე ათე სერი
ჩქიმ ღანდაში ჭიჭე ჭინჭას.

ჩქიმ ჯარბი დო ჩქიმ ჭუეფჷ
ხვალე თის უჩქ, ხვალე თის წანს,
ღორონთჷ, სქან მარდი ქიგნუფორე
ჩქიმ ღანდაში ჭიჭე ჭინჭას.