წუმი უმოჭოფაფე!
Jump to navigation
Jump to search
ცას მუნაფეფი გოფაფე...
დღაშ ფითილცჷ ჩხორია
დაჩხირც ათუნტენსჷ.
ჸათე ხეშე მანტინე წუმი უმოჭოფაფე,
ლერსი, რთხულე თესჷ!
გოპირელე აფუნი,
ართი დღასჷ მეურცუ
ართ მარაში ოლსჷ,
ანდა ოღაფჷლათჷ ქჲანა გეგნუღაფუნი,
ჰამო აფუ თოლსჷ.
აფუნშორო ფუნელი
აფშაგონურ ჸოფედას
ირო სქანი არში!..
მელერსეში ხანდასჷ ვორდი გინოჸუნელი,
ეფშა მაფუ ნარშვი.
ტატათ ვაფალჲ მინჷ და,
მა იშენი ვებრგჷქჷ
ცაშ ფურინიშ უმშო...
მუთ მა სქანდა მითხუნი, თისჷ ვაქიმინჷდა,
მორო მოკოქ მუშო?!.
აპრილიში (პირელიში) 17, 2015 წანა,
წენდიხა.