წკუმონტილ კოჩიშ ოსურს
Jump to navigation
Jump to search
წკუმონტილ კოჩიშ ოსურს
მუ გახარენს ვართ მარტის ...
ოშშა აზრის ითირანს,
ქუდაჭყაფუანს ნარღის...
ფურცელ დივალუანსუნ,
კოჩო აძირუაფ თინა,
თიში ოსურს ვაგახარენს
ვართი ჩიტიში ნაჭურჭულა.
ვართი ხანდათ გუგახარენს ,
ფიცხი განნართინუდა,
ძანძგალს დღას ვეიმოტენსუ,
შურო ქუგგარზინუდა.
ვართი სოთინი გალინე დო
ვართი გახარჯებე ფარა,
ორცხონჯი თის მუშოთ ოკო,
სონ ხანი რე გილურს ხვარა.
შხვაშ ოსურშა თოლი უნჯანს,
ახავაი თიში ცოდა,
უდუნდებელს თიში მახანა
პეულიცალი ყუნსუ მოთა.
გალე, ითამ, მეტყურია,
შხვაშო იჭყანს ნდღულაფას,
დინახალე შურს ვებუნა
თიში აკომუნაფათი.
ვართ თირე დო ვართ ითირუ
დიხას თეში ქინიდვალუ,
მუთუნვამოხვარებულქ
ნამ ჭუჭელშე ელაფალუ.
ათეცალი ქომონჯიში
ყუნას უჯგუ , ვარყუნდასუ.
ჯგირი ჩქიმო ჯგირს შიბუდას,
ირ დღა ქოყოფუდას დღახუ.