წიმი ულა
Jump to navigation
Jump to search
ჯგიროიან მანგიორო,
ფურო მიდართ საქმექია,
მუთ დღაშ დო სერი მეურსუნი,
უმოსო ჩქუ_ვამდენქია.
ვართ ზისხირ გიღ გურმოჭვეში,
მორდუთ ვარყუნდუ ალალი,
ირკოს განთხის უჯინექი,
მიშე მუ გაში მაღალი .
ბორჯი მესოფუნს წყარცალო,
იჭკვარჭკვალნა მურიცხეფი,
ქარბორია იქარქაშ,
მეფურინნა ფურცელეფი.
შური ჭვილი, გური ჭვილი
არძო გილგობ ცალ ბორკის,
სი მუს გორ , მუ დღას ვორეთ,
ამდღარდღაშა მუთ მოფრთით.
მუჟამს შური მოლუდუნი,
თიჟამს ყუჯი დილურსია,
სამართალიში მუთა გიჩქ,
გამგებ:_კუჩხით გილურსია.
გაზარხულიშ მოულაშა
დოფშურდითი ჯინათია,
მუწოკინა ოკო რდას
გურით, შურით, რჩქინათია.