წალენჯიხა
საქორთუოში ართი კუნთხუ,
ჭიჭე წყარი დო ჭიჭე დიხა,
სამარგალოს აშეძირე
მოგოთანეში სინთეჯგუა.
კოჩანაში ოდაბადეს,
მუში სქუალეფი ახვამანს,
თოლს მუსუ უჯინუა
წალენჯიხაში მასქვამას.
მაფშალიაქ ქიმიობირ დო
ბჟაქ თოლი გელანჯუა,
წენთხას გურშა უხუტოლ
მუში ნარდი არძა სქუა.
ნაკიფუში გური ინოძ
ტარასიში ნახანდას,
ეგნატეში ჩქვალერი დო
ლეოში ობუჯი კარკაცანს.
საჩინოშე თოლი ვანჭუ,
ენწერიში დალიას,
მედანს ნანას უბირდეს
კალისტრატე სალიას.
ტერენტიში ლექსით ხვამა,
ოსერშე დო გოთანას,
სანთელს ეუნტალენდეს,
უტუში ქომოლკოჩანას.
სქურიში წყარი, სუფთა ჰავა,
დიდ კოჩანა ლაკადური,
სტუმარეფიში მენძელობათ
ურძღაფ გური, წენდიხური.
წენწყარიში კალმახეფქ
თჷრეს მარჩხაში ფერი დო გური,
ცაში ორტყაფუში მასქვამა რე
ოჯინალო ჯგალი დო სქური.
ჟიშე სამცაცხვი გინაჯინე
ლიას დო ფახულანს,
ჭალეს თუდო ინგირი ჯუნუნს
ცირაცალო მაგანას.
ჟი მაღალს, ყვირაში გვალას,
ერცქემ მუკოცანცალანს.
კოჩ მუთუნით ვადეჯერს
ქუა მუჭო ცანცალანს.
თარზენს ქინკასარკანცჷნი
ბოგაში ქიმიოკარკაცანს,
ბჟაში ჩხორია ტობა ვარჩხილს
ქვიშას ქინაკოროცხანს.
ჯვარიში გვალეფს აშაშილი,
თოლსინთე დო ბარჩხალა რე,
თუთარჩელა უღუ ირო,
სერი თიშო დღასჷ ვა რე.
ოხვამეფი, ჯვეში დო ახალი
ქრისტეში რჯულიში ნახვამა რე.
ღორონთიშე უმულას
კურთხეული წენდიხა რე.
მთებით, ტბებით, მდინარებით,
წმინდა გულის მეგრელებით.
წალენჯიხის"ჭიჭემიწა,
მდიდარია სულგრძელობით.
ლექსით, ცეკვით, სიმღერებით,
იდღეგრძელე ჩემო მხარევ!
სულ ილოცე შენთა შვილთა
გამრავლებით მონავარდევ!