ცურუ
Jump to navigation
Jump to search
ცურუს ხოლო ნოკობუე
გეჩანდას ბონასჷნი,
მარა ოჭიში ვეიაჭოფე
შხვას ვემკაპონასჷნი.
სარხოს მითინ ვემკინჭანც
შორშე მუდგა თხუასჷნი,
თიშენ ორე ირიათო
ოცად მეტყობუასჷნი.
უსამართო ქიანას
შეულებ ზარხულც თუასჷნი,
თინა ხოლო ვაიკვედას
წყარც ქჷმანტუასჷნი.
ვაძირიო, ცურუ ჭყონც
ოგურუანც ჭკუასჷნი,
მუ ჟი, ცაშა მინჭუაფ
დო ის ოშქვიდუანცჷნი.
ათეჯგუაში მაძირაფუს,
ღორონთჲ ქომწი მუ ბჭარენი,
ჭყონი ცურუს დოუფორ დო
ვეჩინებე მუ ჯა რენი.