ცოდაშ ეკოშულადირს...
ცოდაშ ეკოშულადირს, დუდშა გუმაკუნელო,
დოუხუნუნ დო უნგარინ, გურიშ ეშაჸუნელო.
მუშენ ფხვადუდ ჩილამურ, თეზმა შარაში ნაულას?!
მუშენ ღურნა მართალეფი, ცოდეფი მუშენ გულოულა?!...
კოჩიშ თეზმა ნარაგადი, ღორონს ირფელ არჩქილედ.
გეგმეცხად დო ურაგად, ჩქიმდა ქუმორთი გარჩქილექ.
აბორჯებულ თოლეფით, თუდო ქიგიანთხ ვაფიქრენდ
გურშე ეკორაგადელი სიტყვეფი ქეწოზადინეს ...
ქუმომრჩქილე, კოჩიშ თას, მუჭო ფიქრენქ მუ შემლებუ?
არძა მიჸორს, არძა პწანს დო თქვან გურშენ დობღურექ...
თეზმა გოჯოგაფილ კოჩი,თეზმა ჸუდე ნადინეფი
არძა ცოდაშ სქუა რე გურშე ეშაღალირეფი ....
მუდგას ორწყექ ჩქიმდე რე ... ირფელ თქვანო, კოჩშე რე
ურძღაფ შურშენ მუდგა რდას, ვაუღ ორან... მარა ბჯერს ...
მა თქვან გურშენ გობლახეს,მა თქვან გურშენ დოპილეს
ართიქ ვარა დომინდას, გუნასქიდუ ანთასეფი...
მა მიჩქუ მიშ გურს მუ ირთანს. მიშ შურშენ რე ამიერი
ჩქიმ იმენდით დორინათ, შხვა ქიანა მეიღენს ...
ოღალს ემაკუნალ ჸუნს, მიდგას თენა შეულებ
არძაშა მაფუ მოჩამილ, თითო ოღალ შურშა მეტი.