ცაცლარ ბორზალი

by გიორგი ხულორდავა

please do not remove empty parameters (see the template documentation).

* * * by გიორგი ხულორდავა

ცაცლარ ბორზალი მომირქინუ ბორჯიქ უნელო,
ბრელ ვაბშჷ, ბრელსით გითმიბშინა ულირს, გოწონელს
დო ხვათახვალე, რზაფა-ნარღის მიშაჸუნელო,
ქიგენირსელე ქარაქია, ფირქიშ ოწონდე.

დო გუთმაშინე სქან გურიშე სერდაშ ხარუა,
რწუმა დო მენდის, სით ქორწანსო, ანწი მართენი,
შარაშ რთუალა, მუთუნიშენ, ვა მივარუა
დო შორიშობათ დამიჸანი ალიართენი.

ღურუ დო რინა ვა მობდგჷნა, აკა ნამთინი...
ამდღა ჩქინ ფირქი თი მასჷმა შარას აკაბუ.
მუჭოთ აფუნიშ ნდოლოს ბჟაში ჰამო კანთინი,
ვორწყექ, გორჩქინას ირიათონ გიოქაქაბუ.