ცაშ მოჭყუდუ

From Wikisource
Jump to navigation Jump to search
please do not remove empty parameters (see the template documentation).
***
by გიორგი ხულორდავა

ცაშ მოჭყუდუ ორე თუთა,
კიდირც გეჯან ირო ცასჷ,
ვუჯინექ დო ბნარღე მუთას,
გურქ ვამოკო ეკირცვასჷ.

ცა თუთაშ რე, თუთა- ცაში,
დუც გულუანს, ჯუნუნს ირო,
სერც ქოჩქუ დო დინუ დღაშით,
ჩქიმ თოლიში გასაკვირო.

გურც მათ მირზუ ათე ნოფა,
თუთაცალო დინუ კვალი,
ვეთმილასუ დღას ჸოროფა-
გურჲ დო გაღაშ მაფორსალი.

ჯვეში ჭუა ბჭუნცუ კინე,
მიძგვიტუანც გური მათჷ
დო სქან სახე გუმაშინე,
მათუთიაშ მეჯინათჷ.