ჩხოუშია
Jump to navigation
Jump to search
ჯვეშ ბორჯიშე შინელ ჸოფექ,
სკან გოლუა ჩხოუშია
ჩქინ თურეფიშ მოჸოროფე
ნარღიანი მოურქია.
დუც ონდეთ მეუკანტუა,
შური ძიუთ ენგაქაქუ,
წელს იშენით მეუკვანწუა,
გურს ხვითოეფი ელგაფაფუ.
დოპოპორე ნტერიშ ჯინით,
გურ–მარგალი ჩხოუშია
ნაღვარია წყარო გჷნირთი,
სარკო ბორჯი მოურსია.
სქანი შინი მის აფულე,
ჩილამურო დოჸუნქ გოლას
დოუნთხორათ ნტერს საფულე,
გომორძგუაშ თოფიქ გოლას.
აკაბუცხა ღალიშ გეშე
ქვერსემ გეიძ დიო შარა,
სკანი ოხვამურ ოკო გებშვე,
ქოთქვი სოიშა მიოცქვარა.
მა დოპჭვედა გოლვაფირი,
სქან სანთელო ჩხოუშია...
ორან გაფუ გოლაფირი
მითა–ჟამშე მოურქია.