ჩხაია

by ლაშა გვასალია

please do not remove empty parameters (see the template documentation).

ჩხაია by ლაშა გვასალია

ღორონთეფიშ ნინა უჩქუ
გვალაშ კიდირს მირსიოლუ,
სისმარ გეუძ ხეშკა გურშა,
ფინქრეფიში ნირსი ორუ...
 
ჩხან–ჩხაია, ჩხანაშ ზესქვი,
მიბორბოლ დო მიხვარჩალუ,
თეშ მეჯინუ ლერსიშ მონწე
ეშმაკეფიშ ჭყანას ფჩალუ!..
 
ჟიშე ბურბულ მუნმაქანჩუ,
თუდო გვართაშ ბორბოლია,
ქირქეშ ჸაშე მუკნათოლა –
ქვარაგიდალ ხორხოლია...
 
ჯამპიშ ჩვაჩვა ნაწვანჯერი
მალაღურიშ ფსუაშ ფერი,
ფუცუცხამიშ ნაჭყილონტა –
ჭარჭულია, ჭერჭე გვერი...
 
თეშ მეჯინუ ლერსიშ მონწე
სისმარსუ დო ღურუს ფჩალუ,
ჩქიმ ჩხაია, ჩხორო ჩარჩხვა –
მიბორბოლ დო მიხვარჩალუ!..