ჩქინ მაესტრო, ქეწმაჯღონით!

by რამაზ კუპრა

please do not remove empty parameters (see the template documentation).

ჩქინ მაესტრო, ქეწმაჯღონით! by რამაზ კუპრა

რამაზ კუპრა. "ლაზონა დო მარგალონა" 2009წ.ხ.80

ბირა ცაშა ქაფურინე,
ამდღა, საარიკო დღა რე,
ირფელ ართო ვარკალანს დო
მოწკარწკანტეს ოლაფარე...

ჩქინ მაესტრო, ქეწმაჯღონით,
თი შვანი დო თიშნერ დღა რე,
ომარგალეშ ჸვაიჭარას
შორშე ბჟაშ ჩხორია მარე...

გურს მუ ხიოლ ელამძუნა,
კოჩიშ ნინას ვა რაგადე,
თი ბორჯი რე, გეზოჯე დო
მუმახვამალს ქეწაზადე...

გითმაჩამალ გილაგაგანს,
თინა ხოლო ვა მაფულე,
ჩქინ ხიოლი ბრელს ონჯარჷ
გური ირფელს გინაფულენს...

ჩქინ მაესტრო, მა სი რთხულე
დღახუს ჩქინსჷ ქეწაჸუნე,
ზეფირ გინძე გემიძუნა
ერქემ ცაშა, ჟი ქახუნე...

  2004წ. 26 მესეფი