ჩქინი ჸოროფა

From Wikisource
Jump to navigation Jump to search
please do not remove empty parameters (see the template documentation).
ჩქინი ჸოროფა
by გიორგი ხულორდავა

ხვალე ართი რე გური ფალირი,
ბრელშა ნაჸვილა, ბრელშა ნკირელი,
ორე ჸოროფათ ჯოხოდვალირი
დო ნაპეულა, მუჭოთ პირელი.

ფუნცჷ ზისხირი, ცირეფჲ იბირა,
ტანცჷ უშქირატ ნოფა ოხოლჷ,
ირიათონიშ მიკნაკიბირა,
ირ ბორჯის დინოხ დინიხორხოლჷ.

მუ ხონარეფი მომიკორინე?
დეჸან, ჰე, გური, ფირქეფ ნარღვეფი,
ბოშკოჩურობათ ოკო გორჯგინე,
ლერსო დობჭარე სქანი ნარღეფი.

ასე არზეფი გოჭირ ჩხოროფა,
კინე ბორდიშა, ბრელშა ხაშილი,
ხვალე ართი რე ჩქინი ჸოროფა,
აფუნეფცალო ფსუაფაჩილი.