ჩქიმ ხელეფშე
Jump to navigation
Jump to search
| ახვალამა by |
| გინმათანგალი ზაალ ჯალაღონია |
ჩქიმ ხელეფშე იდიარც დამორჩილი მუშ ფურცელეფც: ჩქი მაჸალეეფი ვორეთ.
ბორჯის გილულას ვოგურუანთ, ბელეშეფშე ვაწკონდარენთ.
ბორჯი ირთუ ნეძიშ ჭილაშა.
სარკეშ ინოხ რე - მარა
სისმარო ლურა,
ნინას ვეკაშქვინე ტყურა.
ჩქიმ ჯინა ჸოროფილიშ საონჯღორუოს გალუაფჷ :
ართიანც უჯინეთ,
ართიანც უკმელას გინვორაგადანთ, ჩქი ართიან მიჸორა
მუჭოთ კაკაჩას დო გოშინას.
ჩქი თეშ ბლურა, მუჭოთ ინოლურც ღვინს ხოპოებცჷ
მუჭოთ ზუღას - თუთაშ ზისხირამ ქვანთირც.
ოსინთეწკჷმა გევორეთ ართიანც მესქვილო, შოშეშე ხოლო მიჯინენა.
ბორჯიე უჩქუდანინ!
ბორჯი რე ქუაქ ვაწუდირთას პიორუასუნ
წარწალქ გეჭოფას გური.
თი შვან რე ბორჯიქ ქოდოდირთასუნ.
ბორჯი რე!