ჩქიმ შარას გამკოჩილათე

by ზაალ ჯალაღონია

please do not remove empty parameters (see the template documentation).

* * * by ზაალ ჯალაღონია

ჩქიმ შარას გამკოჩილათე,
მუთ ცა დო დიხას ჭვებუნი.
ბჟაშე ბჟა გამკოზგილატე,
ცაშე ცას გიმულებუნი.

შუქუმ ქიანა ნოთე რე,
მა ქაწომიდვეს კათელი.
ორთაშე ორთა დოთირე,
მურიცხეფ ინოკათელი.

ჩხოლარიშნერო გვანილი,
მუნაფა თოლშე მირტებუ.
დათებუ სო რე რკვანილი,
დაჭყაფუ ამარ ითებუ.

ძირ მოძირაფა მიდგაქუნ,
ხილუა ველანგარენა.
დიხა უხენო იფათქუნ,
უხეცე ჯალეფ გარენა.

მიკინებ ხესუ მამფორი,
იკიჩუ ელე შხოლარი.
ქიანას ზიტყვა აფორუ
ხორხოტაშ ინაშოლარი.

ჩქიმ შარას გამკოჩილათე,
მუთ ცა დო დიხას ჭვებუნი.
ბჟაშე ბჟა გამკოზგილატე,
ცაშე ცას გიმულებუნი.