ჩქიმ მორდიას-ეთერ (ეთიკო) ჯანაშიას
Jump to navigation
Jump to search
ცაშა მენტ მორდიაქ,
ჭიჭე ვორდი დო ქომრჩქინას
თიშა, მუჭო დუმოკორდ დო,
მუქ მაღოლ ართ მორქიათ.
თიში დიდა ჩქიმ ბების
გუმუხედუ ცქვაფათ ცა
ჩქიმი შუშუა-თქუანდუნი,
გურს ინომხანტ ამდღარ დღაშა.
ილორს, ბებიში ნათხუათ,
დოუნათუქუ ართთუთერი
ართო სკვამი ოსური რდუ,
ბჟალარა დო თუთაშნერი.
მაზაკვალურ ღანკეფითუ,
მიდამიღეს ილორ შხვაქუ,
ეკვანარღუქ მუხანი რე
ჩქიმი ჯგირი მორდიასუ.
თიში ღურა დაჭყაფ ყოფე,
ასე მეფხვადი რინათ ფურო,
სვანჯი ვარე ჩაფალუათ,
ვონჯარუდით მაფალუო.
ინგირპიცუ-სახურგოშე,
გინუოჯინექ ჯიხაწკუმა,
გურსუ ბჭუნსუ ოდაბადე,
პეულეფიშ გუნანწყუა.