ჩქიმი ჭიჭე ოდაბადე
Jump to navigation
Jump to search
ჩქიმი ჭიჭე ოდაბადე
მთელ ქიანაში მადიდა რე,
დუსუ შხვანერი ცა მუნოქუნს
გურც უხარენს თიშ მაჯინეს.
მიოჯინექ დუდ ჩე გვალებს,
ჩხანა გიორზ თექ სანწალე,
სერით თუთა ჩელას იბირს,
მურიცხეფით ეფშა ცა რე.
გვალო შხვანერი ბორია რე,
ჭვიმა ხოლო შხვანერი სკვამი,,
ანარკიას ზღვაში ქვარაშა
ინგირი ინურს მასხაპალი.
ჩქიმ სოფელი რუხი რე დო
ვორექ თექი დუნაბადი,
რუხიში ჯიხა დუს მუნარე
მათხილუ დო მაფორალი.
ჩქიმი ყუდე ასე შხვას უღ,
ვობუნქ ირდღას ჩილამურს,
თოლეფ ყიყალი მიჯინენა
ჩქიმ დუნარგუ სხულ დო ჯამპი..
ვავა,ვავა ჩქიმი ცოდა,
ჩქიმ ეზო დო ჩქიმი ბაღი,
ღორონთქ მუშენი დოფსაჯუ დო
გინომრთინუ საქმე თაში...