ჩქიმი ცოდა უღუდასუ
Jump to navigation
Jump to search
ჩქიმი ცოდა უღუდასუ,
მიდგაშჷ დაჩხირჷ მა ბჭუნსჷნი,
ნანა, მუში მანწარა რე,
გიჸორსუ დო ვარჸუნსჷნი,
ხოლო უფრაშჷ თინა ორე,
ელუქუ დო ვამურსჷნი.
გვალო დუდიშ ოჸვილარი,
კისერს ნტყოლუნს ხამუსჷნი _
შხვაშ ჸებურს რე მიკოსქვილი,
მოჭვაცალო ვალუნსჷნი,
კანკალეშა ტუს იხვატუნს,
თოფურ ხვადუდ ნამუსჷნი,
არკვანს ძალით უკვანწუანს,
მუშოთ იჩილამურსჷნი.