ჩქიმი ფუთი

by ნოდარ ბერაია

please do not remove empty parameters (see the template documentation).

ჩქიმი ფუთი by ნოდარ ბერაია

ჟურნალი „ორნატი“ #3–4 2004წ. ხ.30

ჩქიმ ფუთის მა ქოგუვალე,
ართ დღას ვებრგუქ უსქანეთ,
შურ დო გური მეხარებუ,
სქანი რინა სისქვამეთ.

ირკოჩიში საჸოროფო,
ფუთარეფს მა ქუგუალე,
გაჭირებას, დარხინებას,
ვადოიტენა ართ დღას ხვალე.

უჩა ზღვა დო პალიასტომი,
კანკალეშა იშერებუ,
რიონიში წყარ ლანდღვირი,
ჩქიმ ფუთიში რიბი–რაბუ.

ვორწყექ ირკოს ოინტერეს
ჩქიმ ფუთიში დიხა – წყარი.
ამდღა ორე ჩქიმი ფუთი
ირ ქიანაშ ცა დო კარი.

„ოდოიას“ ხეშა შესმუ
არკვანს ძღაბეფ უბირანა
ბჟა: ჩხორიას“ ბარჩხალანს დო
ათენა რე ჩქიმ ქიანა.