ჩქიმი ინგჷრი
Jump to navigation
Jump to search
მუჭო დუდი მუმანატრი!
ჩქიმჲ ინგჷრი, ხვარჩალია!
დღაშით ჩიტეფჲ გიღურჭულანდჷ,
სერით გიბირდჷ მაფშალია.
სქანჲ ირფელი მახარენდჷ –
ნერა, ტონბა, მარჩხაია,
სქანი სქვამი სოფელეფი –
ჯვარი, ჭალე, მახსანია.
სქანჲ პოპორცჷ ქჷგუალე,
სქანჲ რზენი დო სქანჲ გვალასჷ
ჯიმალეფცჷ დოგიხვამა.
ჭუბერჲ, ეცი, მაგანასჷ.
დრო ირფელიშ პატონჲ ჸოფე,
ხოპჲ ქიგჲაშქვეს სქანჲ შარასჷ,
თი დღაშჲ უკულჲ ამდღარიშა
სქანჲ წყარჲ სინთეთ ბარჩხალანცჷ.
ვამარჩქილე სქანჲ ქურჩინი,
შურც მუდგარენჲ ცხაბარანცჷ.
ჯიმალობა გჷმაშინე,
თოლც ჩილამურჲ კარკალანცჷ.
მუჭო დუდი მუმანატრი,
ჩქიმჲ ინგჷრი, ხვარჩალია,
ასე სო რექ, გური ჭვილი,
ბაღანობას მაბშალია.