ჩელა
Jump to navigation
Jump to search
სერი ორე თუთარჩელა,
მუთა მეძჷ შქასერიშა,
ჩელა, დუდიში ურგებელა
კინე ირთუ დარჩელიშა.
მონა დღასჷ ვაგაბედ
ეშე დუდიშჲ ეკუნას,
ქიმერჩქვანუ ეკი-დიკი
ნაბარნალაშჲ გეჸუნას.
მუ ოხვარ ათეზჷმა
გაჭირება ერღვაფილც,
მონობაშა ვადათხინე
მონობას გეგაფილც.
თენა რენო, ჩელა, სქანი
გურაფა დო გიმნაზია,
"სი გურაფა მუშო გოკო,
ინკორი დო იკვაზია".
უჩა ბედის ქჷმაძღირკი
ჩე ბედიშა გოტებულქ...
აიშა მოცოდჷდი, მარა
ანწი ვემეცოდებუქ.
შარას მეურც ხვათახვალე,
სერი ორე თუთარჩელა,
საონჯღოროთ უკახალე,
ნარჩქვანიშა ირთუ ჩელა.