შური ვამდგუმუდას აფხაზეთიშ უმუშო
Jump to navigation
Jump to search
| შური ვამდგუმუდას აფხაზეთიშ უმუშო by [[Author:ოთარ აძიმბაია|]] |
| წყუ: ჟურნალი "ორნატი" #2 2003წ.ხ.75 |
მოხიოლუდ ირ ოჭმარეშ გოთანა,
ჩქინ ცხოვრება ირ დღას ორდუ უჯგუშო,
ჭვილი გურსუ მუთუნ ვამხიოლუანს,
შურ ვამდგუმდას აფხაზეთიშ უმუშო.
ქიგიოძახი ჩქინ ჯვეშეფიშ სასაფლას,
თქვანი სქუა თქვანდე შორსი ღურუნშო,
საქორთუო, დუდი გეგშიკურცხინე,
პოტიკი რექ აფხაზეთიშ უმუშო.
თელ ქიანას ქუგაგონი ღვარაფი,
ბრელ ზისნახეს უჩა დიხა ჭკუმუნშო,
არძა ჭირ დო ირ ლახალას ქუგურზებ,
ვეგნაღინშო აფხაზეთიშ უმუშო.
საქორთუო, ირო ართო ვორდით დო,
ართ დღას ვერგუქ სამარგალოშ უმუშო,
აფხაზეთიშ დორთინაფა შეგილებ,
სამარგალო, სი ხომ გიჩქუ უჯგუშო.
საქორთუო ღორონთიქ ვაჸუასუ
აფხაზეთ დო სამარგალოშ უმუშო!