შურიშ ჭიფე სინაშა
Jump to navigation
Jump to search
შურიშ ჭიფე სინაშა ნახვილეფშორო
კილამიბ ჩქიმ ხორციშ ნოჭკერეფი...
თე სინაშ დინოხ თელ ორთა იძირე:
წყარმალ, წყურგილე, გვალეფ დო ზუღა,
მაჭვიე მურიცხეფ დო მუთ თარ რენ-
ბჟა ვარვალია, ჩქიმ ჯინჯ ჸუდე
სოლეშეთ ფოტონო ეშაფსოფინ...
ირ ჩე გოთანა ხვამა რე ჩქიმო
ღორონთიშ ნაჭყოლოფა.
მა ვავორექ ჩქიმ ჭუა,
ვართ ფირქეფ დო არზეფ მუკ-მუკი გუმართუნ,
ვართ ასა-გასა, თაშნე მამონკანსინ...
მა ირიათონ ვორექ,
ჩქი არძა უგუთებუ ვორეთ,
ორთას შხვადოშხვა ფორმეფით ფრჩქინდუთ ხვალე
დო ჩქინ დუდს ვგურაფულენთ უკულ ათაშ...
მა ორდო გიშაკურცხინაფილ შურ ვორექ დო
ჩქიმ დუდს გალეშე ვოკვირუქ ასე...
ქორდუო დიო თეშ ბორჯი?
ასე ვამიჩქ მუჭო დეფთხინუე თე რსხულინ,
გვერ ვარა პუას, გეგნიმნწყე ტყებინ დო
ტაცალე შურით გორჩქინუშ
თარ წყუს დუვართე კინენ...