შურიშ ოღალს ვერზენს ბორჯი
ვაფჩოდ ლერსის ოჭარუშა,
შურიშ ოღალს ვერზენს ბორჯი...
მიკუოჭარა თეურე ,თაურე,
ქარბორიას ვობუქ ცომცი.
გურს იბკეთე მინშა ჩქიმით,
ქუგუარზენ დუს იბღორე...
ორტვინს ინიქვაქვალ ბები,
ყვანას ხაჩქუნს ბაბუ -იზდორე.
ბიძი ლერსებს მიკითხენს
შექსპირიშე ნათანგებს,
ბრელ იფირქი,ჭიჭე იჩია,-
ზუკოლუას ვამარკენს.
ბიცო ხარჩოს აბზადენს,
შურ რე, ლერწყვა ქუნგოდირთ,
ერჩქინას დღაშ ოწოხოლე
ტორტის ჭუალას მოპირ.
ვართ მაღაზა ეიფშაფუ,
ვართ ქოთომიში რე კარკალი,
მასაქვარე მითინ ვარე,
ეზო გეჭოფ მაზაკვალქ.
ფუი თეში განქარიში
მარაგადე მითა პუნს,
ოჭმარეს ბებ ვამიძახუ,
ბიცო ვამზადენს ონდღურს.
დიდა ვაპუნს, მუმა ვაპუნს,
გურსუ მომიქექუასუ,
ჩქიმი შურქ იშო ქეკაუნუ
ადრე ულირ ჩქიმ სქუასუ.
არძო ულირს იბრთინუა,
ბედინერის როლი მონარტუ,
არძო ართო მით მიყორდუნი,
ჩქიმი გურს ინოხანტუ.
ქიანაში ამბეც მა მუმობუ,
გურში ჭუა მაწვალენს.
ნამუ ართი მა იმნარღა
გოღანერ თუ ამდღანერი.
ვაფჩოდ ლერსის ოჭარუშა,
შურიშ ოღალს ვერზენს ბორჯი...
მიკუოჭარა თეურე ,თაურე,
ქარბორიას ვობუქ ცომცი.