შურიშ ინოხ

From Wikisource
Jump to navigation Jump to search
please do not remove empty parameters (see the template documentation).
შურიშ ინოხ
by გიგა ქავთარაძე

შურიშ ინოხ, ოდიარეს
მაჭვალჲ სქვერი გემიკირუ,
გითმობჭვალუ ირჲ ოჭმარეს
დო ნაჭვალას, ნიგას ბზირუ.

მინმატიბუ გურიშ ნორცხვას,
ეჲშახ, ჭუას კილმაბწირუ.
მუზას მიშმუნაწუა დო
აკურს - ლექსო აკმოფკირუ.

ჩქიმ მარდუალჲ, მაფალარი -
მინჲ, ლენი რე დო მინჲ, შქირუ!
მიძგვიტუანს კაკილარი...
მემჩქუნ, ჭვალა მითმესქირუ!

ვავა, სქვერი ქოღურუნ-და!
ვანე, ოდიარე ნქირუ?!
ნათხირჲ თელას მუშა პუნდა -
გურჲ შქაბანშა ქინმანწკირუ!