შურდინაფილს შურ გეშალუნ

by რამაზ კუპრა

please do not remove empty parameters (see the template documentation).

შურდინაფილს შურ გეშალუნ by რამაზ კუპრა

რამაზ კუპრა. "ლაზონა დო მარგალონა" 2009წ.ხ.136-137

გვერი იშენ გვერი ორე,
უნჯარებ დო ნჯარებული

ძიგირონაშ ღალირი რე
ჩქინ ელ- მოლი, ღობერ - ღანდა,
თექ ვეპალუ კოლხიშ მონძე
წყარს მეუფიორ ჩქინი ხანდა...

ართ მაზაკვალქ მიოდინუ
ოკოლხე დო ოქორთუე,
ღირძგით ქიმკმობუნუანინ
ორაგადე ოკო ბთქუე...

შურ გეშუღეს ომარგალეს,
ხოლო შორშე ორსქინანა,
შურს ოჸოთანს ჩქინ ქიანა
რინიშ შურო ვარე ჭყანა...

ინგირიში მელე - მოლე
შურდინაფილქ მოსუ მოსა,
თის ოცადუ, მარგალეფი,
იშო თორსას ქენმოქოსან...

ზუგის დო გალს გილეგაგნა
ქჲანაშ გითმაჩამალეფი,
თიში გითოშქუმალირი
განთხიშ გითმაღალარეფი...

თქვა ირო რდით ჯიმალეფი,
- ოდიშარ - ობედიანეფი,
რთხინთ, ვემკინჭათ სარიხოშა
განთხიშ გითმაღალარეფი...

შურდინაფილს ოკო თქვანი
წაკინდა დო გოსოფუა,
ღორჯოცალო ვემკაბუნუთ
ღორონთიშ ჭყოლოფუათ...

...გოპირანს დო გევარდებუ
ომარგალეშ ვე დო გვალა,
შურდინაფილს შურ გეშალჷნ
ბჟა ჩქინოთით გობარჩხალანს...

                  1993 წანა