შურდინაფილიში სონეტი
Jump to navigation
Jump to search
შარას მიბში დო ქეშებხვადუ შურდინაფილქი,
მა ბთქვი: მეუ სი უდურენჯი, აქ მუ გოკოდუ,
სო მიყვინგუქ დო თე გოხოლუს მუქ დუგოჭყორდუ,
ვარა მორთინი მიქ გიზუკოლ თეჯგურა ფირქი.
წყარშა სხაპუ დო ქიმკმოჯინუ გინოლაფირქი,
-უსარსალუანქ თოლემც, ჯიშიქ თასო გოიჭყორდუ,
ამდღა აჩამი ცირასინი იქ ქაშქოჭყორდუ,
ვაგათებენო ათე ბოგა, ვეჸუ ნაპირქი.
ონი იქ მიწუ: წყარს ვორექი, ვაგაჩამუქი,
ვარინ გაჩამენ იშენ მუთუნს ვამოხვარუქი,
თქუ დო ქუმწოლუ უხანექი, ფსუაქ ქაჩანუ.
მიწუ თევრეშე: მათ გომტევა ჩქიმ დოხორეშა,
- ჭვილ სქან დოხორე მაქ, ეკვოძახი, ოდო მიდაფრთი,
თაქ ეჩილათირქ ჩქიმი ქანას ბრელხანს გილაფრთი.