შოშეს მევურქ ხვალე

From Wikisource
Jump to navigation Jump to search
please do not remove empty parameters (see the template documentation).
***
by გიგა ქავთარაძე

შოშეს მევურქ ხვალე დო დამორჩილიშ ბორიაშ
მუკნარღვეფ ფალეფს მევუფაჩუანქ კუჩხით.
მუკი-მუკიან სისქვამა გეომეტრიულ პროგრესიათ მიძინანს ხიოლშა...

ზაპიჯის ჟირ ლაღარია ბოში გილარე დო ფურტინუნა
პაპროზიშ ფურკის მიშაკარკატელეფი...
ვახოლუაფუქ დო არგამას გიოხენა, შარიშ ეტახუა ოკონან.
ჯოგინით ეფშა თოლეფით მიჯინენა, მუთუნ დოვუშეკონ თეშ...

მივაკინი, მივაკინი დო ხონარმაღალო ქენუვოკარკაცე -
მუნდშე მარქვალქ ვეგთოიოლან,
ჩქიმ თოლით ქუგოძირან მუ უსქვამურეფ რეთ
ათაშ იჯინეთინ თიმწკუმა -მაქ.

ეჸონეს დო სონდარო არზიშა მიშესკონ,
მა მეტროშა ინმიბში უკვე ხვამა-ხვამათ
თინეფშა ქუძირაფუდუკო თინ შარა ღორონთს დო
ჯოგინით ეფშა თოლეფი ჸოროფათ დოთირუდესკონ...