შინკაშ მახირალეფი

by რამაზ კუპრა

please do not remove empty parameters (see the template documentation).

შინკაშ მახირალეფი by რამაზ კუპრა

   

იალონშა გედირთეს,
ქიმკიქუნეს,ქიმიდვეს,
ხე დო პიჯი გიბონეს
ოზეშე თეშ გინილეს...

ცუხიშ კარშა გემნაცქვარეს,
შურიშ ქალი ვაფუდეს,
შინკას შური ქიგუნთხეს
ნამშათ გური აფუდეს...

არძაშ უმოს ბეხვერია
დახე ცაშა ქაფურნეს...
ოლაგესჷ გინულეს,
ოთხირეშე გითილეს,

ოკაკლარე გიშელეს,
ფაფალაშე გიმელეს,
ნდოლოია-ნდოლოთი
ინგირპიჯშა წიმილეს...

ყვინთელ შინკა ქელასვართეს
ობონუეს,ოჩხომეს,
სუნელმინოსუმალირო
გემუანო ოჭკომეს...

ნანაშ კიდირცალო შირგეს
შინკა,ნამუთ იხირეს,
ჟი ოშ-ოში ქიგჲოყურწეს
ქიბირეს დო იძიცეს,

ჩხანას ბარგეფ გისქირეს,
ქიმკიქუნეს,ქიმიდვეს,
ნაარაბუ ფაფალაშე
რულაიათ ეკილეს...

ოთხირეშა მითილეს,
წურფა თხირი გოწილეს,
ოროიას იკერკელეს
,,სისა-ტურა ქიბირეს.

მაჟრა შინკაშ ოხირალო
ლასირანა კიბირეფს....