შენ მიცქერ მტრობით
Jump to navigation
Jump to search
| შენ მიცქერ მტრობით ავტორი: ტერენტი გრანელი |
შენ მიცქერ მტრობით,
ქრიან ეტლები.
და მარტოობით
მე ვიფერფლები.
ბაღია აქეთ
და მიდის ბავშვი.
სდუმს სადღაც ბაგე
შორეულ ბაღში.
მხოლოდ შენ გენდე,
მე ძალა შემწევს.
მრავალ ლეგენდებს
იტყვიან ჩემზე.
იღბალს ვინ აცდა,
შორს ვარ სრულიად.
ვრჩები მიწასთან
და ცა მწყურია.
შენ მიცქერ მტრობით
ქრიან ეტლები.
და მარტოობით
მე ვიფერფლები.