შელორსა

by ნონა ჯანაშია

please do not remove empty parameters (see the template documentation).

შელორსა by ნონა ჯანაშია

არძო ჩქიმი გაჭირება
ოკო გეკობრაგადუე,
ორქოებიშ მოჭკადილს
შხვაშე ლინჯი ვამათხუე.
ქეკუოშურდი ამდღარდღაშა
მიდომიში რჩქილასია...
ჩქინი ქიანა ყოროფათ
კუჩხით ოკო მიბლათია.
მარა შურო ვემეფხვადი
მის ვენდე დო მირე მანგი,
გურქ ნტერეფშე შეწუხებულქ
ყებურს მუსხშა ეკუაყვანგი.
ჭიჭეთ ქუმორთ ყუჯშა რჩქილაქ
მარა შქურინ აშ ვეშურს,
ქეშემლორსას შური დო გურით,
მიმეხვარას ,ბები ვაპუნს.
შქურინ დეთხი ნონასია,
ნტერქ გინართას მონათია.
შქურინ დეთხი ნონასია,
აშო ჩქიმდა მოლართია.
შქურინ დეთხი ნონასია,
ქითოიოთა ორნასია.
ბებიში ფუცქინი ალმარჩქილე
გაჭირებაში ბორჯისია,
ფუჩხაცალო ვაკოცუათ
ართო ქორდათ,ქორთხინთია.
,,არისო მარისუ
სარია სარისუ
ბერწული დო ლაკარტია
ოდგიში ოდგიში გვერს
მეტახი ოჭიში.“