შარას მიბში დო ქეშეფხვადი
Jump to navigation
Jump to search
| შარას მიბში დო ქეშეფხვადი by |
| ხუტა ვეკუა „კოჩარა და კოჩარელები“ თბ. 2009წ. ხ.157-158 |
შარას მიბში დო ქეშეფხვადი
დიანთილი–ნოსაში ჩხუპისია.
ართიანს ჟირიხოლო.
ქოურქენდეს ტუნკისია.
ნოსა გითოწიორილი,
დიანთილი ქოგუდ ბუკისია.
ვაიძირუნანო ჭკოლა კატუ
მეთხოზუდუ ჭუკისია.
გაფჩენდი დო ქუარჩქილი,
თინეფიში საჩიარს.
დითა მუს აბრალენდეს
ჟირხოლო ართიანს.
სი რხინაფილი დედიბი,
ჸუდეს ვემლენტირიო.
შარას გილმოლანძღანქუნი,
კოჩის გექშაპილიო.
რხინაფილი სქანი დიდა რე,
მუჭო გერტკაპალანქუნი.
ბრელი მიჩქუ სქანი ამბე,
გიკვე ვემწკოვალანქუნი.
სი ძონძი დო სი სანგარო,
მუ გიღუ წიმავალარია,
ართი მარაშა გაგმომწყუდას,
სქანი გითანგარალია.
ჭითა კუბო დოუჭკადუდანი,
სქანი ინადვალარია.
სიტყვეფი მომზადებული მაფუ,
სქანდა გიოთვალარია.