შარაერთელს შარა მეუღუ
Jump to navigation
Jump to search
შარაერთელს შარა მეუღუ
ეჩილათირ უშარეშა.
ღორონთუმე, მუთა მიჭირს,
ღურელი უღურალეშ გეშა.
ჩქიმ ხიოლი პუხუს მუმობუ,
უძიცელო იბძიცანქ,
არძას ყოროფას უჯღონა
მა მის ცოცხალოთ ბწანქ.
ღურელს იშენ იწამუანს,
მინს წანს დო ვაწანსუნი,
ნამუთი ღვინს ყურწუნსუ დო
უხუპუანს ხაწასუნი.
მა ჩქიმი შურიში მაჭარით
უვაიჭარემს ვოჩხონუა,
ოღონს ღორონქ ვემემტუას
მარდობუაში მოჯღონუა.
შარაერთელს შარა მეუღუ
მის უჩქ სონი უშარეშა...
მა თაქ შური გილამთირუ
თქვანი ყოროფაში ეფშა.