ღურას ვაფთხულე მა უღურობას
| ღურას ვაფთხულე მა უღურობას by |
| ორიგინალური ნინა რუსული. ორიგინალური ჯოხოდვალა БЕССМЕРТИЯ У СМЕРТИ НЕ ПРОШУ... გინმათანგალი მარინა ფაჩულია - პაპუაშვილი |
ღურას ვაფთხულე მა უღურობას, შურ მემიღჷ თეშენ - დიდ მარდი უფალს,
ღარიბ, შკურნაფილ, ჸოროფათ ჭვილი- რწუმა მოხიოლ, დო ვორექ სუფთა.
წყარპიჯს ვოხვილუქ ასა-გასასი დო ბგინაფულე რგილ ქარი ირქენს,
დო გარწკინუანს ოსინთეს ნოთე, ქერქილ მუნაფა რულერიშ სინთე.
მა ვაბღურუქ ზარხულ- დამორჩილს დო ვართ ზოთონჯის, ბჯერს დო მიჩქუ
ჸოროფა ჩქიმ დო სიცოცხლეს შკას, უჯინ, ჭვაჭუათ, კუნთხუს რე იჭუ...
მუდგარენ ჭყანჭყილ ბორბოლიაშნერ, დინახლე გილურს, დო უკულ დინუ
ჩქიმ კუსაფი დო ხელეფიშ რქება, დროს მეუღჷ ჩქიმდე შკას გითაბუნუ.
ქო მაქ, ფთქუან საკუთარ ბედშენ, ბღვარანქ ნარღიან ჩქიმ დუდს უნძალუქ,
ქო მაქ ფთქუანქ დროშ გურშენ ხოლო, პასუხის მარძენს. დრო- შურუქალუ
გეგთოფურინ დო დაჩხირს აჸონდი ფურინ, სინთეშა სხვა მუ შარე რე
წყარმალუ, დომძახ, რშვინ, დო მუმანჭე, პეტერბურგ-ჩქიმ რექ დარანაშ ზარე.
მოკო დროქ ჩქიმშენ ვეკიღას ხონარ; გერგენჯა ქარი ჩქიმდე ინგარდას,
დო ჩქიმ ურიულ ოსაფულეშე-ახალ სიცოცხლეშ ხონარ ღვარანდას.
2018 ვაშინგტონი