ღუმუში ოხვამერი
ელიობას იბხვამე,
ტაბაკ დობდგი ოხვამერი,
ღორონთ, მარგალც ვემიარკა -
მაქი, - ღუმუ ანდანერი.
გუდურე დო გოჯურე,
ზოდელა დო კაბედი,
კვირჩხილი დო კოხურე,
გუჯურ ღუმუ კაბეტი.
გოგუა დო ქოჩუბე,
საგვიანო ცხედღუმუ,
ჩიჩანა დო ჩიმჩანა,
ხეთურე დო ჩე ღუმუ.
კუნტა ჯიში ბოჯგა დო
ღუმუ გოსილოგირი,
ღუმურიშიშ აკანი
ღუმუთი მოსორგილი.
ღუმუშ ურემ ეფშა ბძირი,
ღუმუშ წყარ უღუმინე,
ოჭმარესი ღუმუ რგილი,
ფიცხენიას ურგინე.
ღოღოჩია ღოღორო,
სკუალეფი ართო ბრელი,
გოხიოლ დო მოღვარა,
ბაღანეფ რე ღუმუთ რძღელი.
ელიობას იბხვამე,
ტაბაკ დობდგი ოხვამერი…