ღორონთ რთხულე, სქან სანთელო!

From Wikisource
Jump to navigation Jump to search
please do not remove empty parameters (see the template documentation).
ღორონთ რთხულე, სქან სანთელო!
by რამაზ კუპრა
რამაზ კუპრა. ლაზონა დო მარგალონა 2009წ.ხ.24

წაკინდაქ მუთ მომიღესჷ
ამარ, წოხლე აწომძუნა,
წიმი წირცალო ქიჸუდა
ჩქი ფარსაკი ვამობძუნა.

წართ ანდაქ დო ჭკორო გინირთ,
წაწამს ურჩქილენან ფერო,
შურწაულირიშ ჭყალაქ გერთუ
კერძ-მოჯგირექ გინირთ ნტერო...

ირ დღა უჩათ მითანდჷნა,
დორთაშ იმენდ ვარე შურო,
ვორეთ წუმოცუმილეფი
ქესატო დო უმინჯურო...

რულაიათ, მალა-მალას,
მოთხოზ, გეჸუნს წანას-წანა,
სოიშახ ოკო ენობდირთათ
შხვაშ ოზეს დო შხვაში ჸვანას...

ნექ გინომილ, ღვალეფ მაფუ
ქინჯილოჯიშ მაჸვინთელა,
ჩქინ ჸუდეშა დუმორთინეთ
ღორონთ რთხულე, სქან სანთელო!..

                   1998 წანა მანცხვარკარი.