ქუჯი

From Wikisource
Jump to navigation Jump to search
please do not remove empty parameters (see the template documentation).
ქუჯი
by რამაზ კუპრა
რამაზ კუპრა. "ლაზონა დო მარგალონა" 2009წ.ხ.102

   
ქუჯი, სი სქან ომაფესჷ,
ლიხიშ გვალაშ მელე-მოლე
მაფა ზოჯუნდჲ ღმალიერი
ფარნავაზიშ ოწოხოლე..

სი თის უწი: მოზოჯ ჯუმა,
ჩქინ შქას ზისხერ ვადვობათი,
ბჟაეიოლშე სი ქორდა დო
ბჟადაალშე იპიქ მათი...

... გოჭყოლადაშ წკვერემეფშე
გეითოფალუნს სქანი ფსუა,
რექ კოლხეფიშ ზისხერიშ დო
ეგრისიში დიდი სქუა...

ოქორთუეს შურ უდგჷნი,
ჭყოლოფა რე, ქუჯი, სქანი,
ქორთუეფქჷ გეზოჯან დო
სი გირგული დოიშქვანი...

სი დიტენი თი ჸოროფა
ამდღა ოქორთუეს ვარე,
თე ქიანას კინ სი ოკო,
კინ სი ოკო ქიმეხვარე...