ქობალიში ნოტეხი!
სააფხაზოში ლიმუაში ჟამს,მუჭოთ დრო მშიდუნ,ხანშა მიშაკინელი ნათესეფს,კოჩობა (ალექსანდრე) გრიგოლიაში ოჯახის გილუაკითხანდი.მუთ თი კირილი ჟამს შილებედუნ,ხეს ვუნწყუდი...
ოშუმალი წყარშე დოჭყაფილი ირფელი ჭირდუ...
ართშახ,მენძელეფი ოზეში გინალი კარშა მაზარენდეს. მა ხეს მიკებუდ,თი ოჯახიში ოსურპატონი აირაში ნაჭვა,დიო ხოლო ტიბუ, ართი გომენჯი ქობალი...
ცხაკაია დო გოგოლიში შარეფიში კუნთხუს,გვამიში ეფშა კონტეინერეფი დგუდ. მუკიმუკი ხოლო ირფელი გვამს მეუღუდუ...
ათე გვამს,შკა ხანიში სიმპატიური, რუსი ოსურპატონი მიშეგორუდ...
მუჭოთ ქომძირუ ხეს ქობალი მიკებუდუნ, ართი ვამურიდუაფ, ვართ გამარჯობა უთულუნ თეში:
–ხრისტა რადი, დაიტე კუსოკ ხლება...–მა ქობალიში გომენჯი ჟირო გობტახი დო ნამუთ მიბრჩქინ უმოსონ თინა ქიმუვოჭირინე.
ეზმას ველუდ...გეკვირუ! თეჯგუა კირილი დო ღორონთიში ჭყელი ჟამს, ჩქიმდე,უჩინებ კოჩიშე თეშმაშხვა ხეში გოფაჩილობა?! ჩილამურქ ვეშაკინებინ...
–ბოგ ვამ ვოზდასტ!– უკული ჩქიმი მენძელს,კოჩობას მიკართ:
–ახალგაზრდა ვორდინ თოლს ვამითხინუანდი. გაჩენდუდი დო უცერემონიოთ მიკირთუდი დო ეკმოჯინედი...ასე ოჩინებელო ხოლო ვაგოკოქ?
მუჭოთი მან,სით გორჯგინ სირჩინუექო?
–ი ვსიო ეტო ნაზივაეტსია ჟიზნიუ? ბუდ ონა პროკლიატა!
ბუდ პროკლიატი ვსე პალიტიკი,კატორიე მენია ი მენია პოდობნიხ, დო მუსორნოოო კანტეინერა დოველი!
ი ნე ტოლკო ონი,ა იხ დეტი ჩტობ ასტავშუიუსია ჟიზნ პროველი ნა სვალკე!
თეს ირფელს, ხუმამაღალო თვალუნდ ვოიჭარე!
–ჰამენი!–ქიგუძინი მა,
თიმ სერს ვადმარულ; თი ოსურიში სახე აწომირდუ თოლიშ წლხოლე დო თიში ხუმა რწიანდ (ყ)უჯის...
„ნოსტალგიით შობილი“–შე ნათანგა.
18.10. 19 წ.